MAIORES

Os nosos maiores requiren un servizo específico, axustado ás súas necesidades. Por iso adaptar a nosa cociña ao seu ritmo de vida é fundamental á hora de coidarlles e favorecer a súa calidade de vida.

Garantimos a calidade no servizo e a atención personalizada, facendo que sentan como na casa e ofrecéndolles unha alimentación con menús saborosos, caseiros e sans, sempre adaptados ás súas necesidades. Prestamos especial coidado ás dietas derivadas de enfermidades ou intolerancias alimentarias, así como ás elaboracións para aquelas persoas que presentan dificultades de mastigación e/ou deglución, para as que preparamos alimentos texturizados que conservan todo o seu sabor e valor nutricional.

Creamos ambientes cálidos, buscando o seu benestar e favorecendo a confianza entre eles e os seus coidadores a través de talleres, actividades e festas que rompen a monotonía do día a día das residencias.

Achegamos profesionalidade, coñecemento e preocupación polo trato ás persoas. Atendemos en todo o territorio galego a restauración de colectivos como colexios, hospitais, residencias ou empresas.