QUEDA PROHIBIDO

A cociñeira da casa onde servía Estrella gardaba celosamente a receita dos pratos que facía, non había forma de obter unha pistiña de ningún xeito… pero Estrella pensaba que aqueles ‘fritos de ovos’ non eran deste mundo. Despois de anos de indagacións… conseguiu a receita! E agora Xoel, o seu neto, e toda a familia adora eses fritos!

Esta é unha das historias que hai detrás de cada receita que os avós e as avoas dos nenxs que acoden ós comedores de Arume quixeron compartir con nós dunha forma tan especial ó longo deste curso.

Mª del Pilar ben sabe que cando a carne escaseaba na casa, ben bo estaba o ‘caldo de bolos de fariña de millo’ . Ana Mª quere lembrar o gusto tan propio que tiña o seu pai cando facía ‘paella’ xuntándose os domingos en familia. A Samuel encántalle relamber a culler e a pota dos restos de chocolate e crema que quedan despois de facer a ‘torta da avoa’ que fai Pilar. Concepción quedou conquistada polo ‘bacallau ó forno’ que comeu en Portugal e pediu a receita que cos anos foi variando ó seu xeito.

Gustounos moitísimo saber que os sábados e domingos aínda son días cheos de espírito familiar. ‘A torta de queixo’ de Azucena, ‘o coello ó salmorejo’ de Ángela, ‘o biscoito de fresas con nata’ de Alicia ou o ‘paté da tía Loli’ que  fai a avoa de Adrián xa que non pode faltar como entrante cando os netos van a súa casa.

Salvador, o xenro da bisavoa Carmen, non deixa de facer a ‘tortilla de Pascua’ que facía a súa sogra e que tanto lle gustaba, é unha forma de respirala cando se xuntan e manter esa lembranza viva.

 

Tantas e tantas cousas levámonos desta experiencia, destes avós e avoas xenerosos e ilusionados con pasar un día no comedor cos seus netos… Ata receitas internacioniais trouxeron! ‘Rahmchnitzel con rosti’, sabedes que é? Wilma coñeceu ó avó de Jorge en Suiza, ela é de Austria e mesturaron dous tradicións neste prato que non deixan de facer cando van a xantar os netos. A avoa de Dulce non esquece unha costume arxentina e uruguaia como é a de xantar ‘ñoquis’ o día vintenove de cada mes para ter sorte e que non falte o dineiriño. Lembrade xa que isto te a súa cousa: sete ñoquis masticando 7 veces e para os máis supersticiosos: mentres os comedes podedes poñer unhas moediñas baixo o prato.

Croquetas únicas… arroz con choupa covertido en fideua por expreso desexo de Nicolás cando tiña dous anos, callos que a nai de Élida cocinaba dunha forma moi especial, xurelos, filloas, garabanzos, ameixas…. Non remataríamos de contar historias.

 

En Arume adicámoslle un espazo a estas xornadas interxeneracionais porque encántanos compartir historias que agora forman parte da nosa, e ademais o momento da comida é estupendo para escoitar relatos que son parte do que somos.

Os avós e avoas teñen sempre un papel moi importante dentro da familia, non só por ser transmisores de costumes, historias, experiencias, sabiduría, bondade etc… senón tamén polo que representan na educación e crianza dos netos, en tempos nos que tanto o home como a muller están incorporados ó mundo laboral fora de casa. Que seríamos sen vós!!

“Receitas con historia” significou ese novo achegamento entre nenxs, avxs e persoas que acompañamos ós rapaces no momento do comedor, algo moi entrañable e fermoso, compartir un ratiño con todos vós.

Catro edicións entrañables que xa gardamos como recordo deste curso. Sempre seredes benvidos ós nosos comedores, así que a preparar moitas receitas para o curso que ven!

 

Este último concurso remata cunha participación histórica, e oxalá o ano que ven se volvan a encher os nosos comedores de historias… de receitas… de avós e avoas !!!

Para nós é moi especial que veñades a xantar cos netos e deixédes un cachiño da vosa historia en Arume.

E como dixo Neruda (en castelán):

“…

Queda prohibido non buscar a felicidade,

non vivir a túa vida cunha actitude positiva,

non pensar que podemos ser mellores,

non sentir que sen ti, este mundo non sería igual”

Grazas a tódolos avós e avoas do mundo !

 

 

 

 

UN SAMAÍN SABOROSO

Outro Samaín !! Nós satisfeitos de festexalo convosco !!

Nos comedores de Arume, tanto os nenos como os monitores, deixaron voar a súa imaxinación para tal festa. Ides quedar de pedra porque o martes… despedimos o verán (si, non toleamos, seguide lendo).

E para elo, mirade a creatividade que ten o noso equipo. Parabéns a eses monitores que saben facer de todo!

 

A historia conta que as persoas que poboaron Galicia fai miles de anos, é dicir… os nosos antepasados celtas, o último día de outubro festexaban o cambio estacional.

Pero isto… que soa bonito e sinxelo non é tanto así. A noite do 31 de outubro ábrese unha porta entre dous mundos e os seres que habitan no aire poden camiñar entre nós.

arume_samain

Fadas…. trasgos… seres cunha maxia especial que definen o noso destino, que non pensan como os homes, pero coa súa inspiración e o seu poder son capaces de ser encantadores e ó minuto seguinte aterradores.
Esa noite… hai que pechar ben as portas e as xanelas !!

O pobo celta deixounos esta tradición que marcaba a transición do fin do verán á chegada do inverno. Os druídas, que eran a maior influencia de poder dos celtas, saían esa noite na busca de bagas de morcego para facer as súas apócemas e ungüentos e amañaban unha serie de ritos para venerar ós seus antepasados.

arume_samain

Recollían ramaxe para prender fogueiras para escorrentar ós malos espíritos, que logo empregaban para as lareiras o resto do ano. Todo cheo de fogueiras e cabazas.

Empregaban as cabazas para alumear os camiños, baleiras cunha mecha no interior. E dade grazas! Antigamente no lugar das cabazas había… caveiras dos inimigos mortos nas batallas !

arume_samaín

E antes dunha longa noite… hai que poñer todo o empeño polo día en adestrar a braveza! Para que os nenos repuxesen dabondo as enerxías gastadas nas clases, en Arume preparamos un menú dos que máis lles gusta ós rapaces: espaguetes con salsa de tomate, ensalada e churrasquiño. Non ía ser todo medo, a xantar ben para unha noite de medo e arrepío!

arume_samaín

Pero vede que toucados levaban algúns rapaces no colexio San Francisco Xavier de A Coruña!!

Admirade o gran tesouro da infancia…

Arume_samain

_DSC5242

_DSC5243

_DSC5255-Editar-2

_DSC5261

Os colexios de Vigo non quedaron atrás…

arume_samaín arume_samaín

Uuuuuhhhh non sei que opinades… pero non semella que teñan moito medo estes cativos… comprobade que non fixeran migas cun trasgo ou elfo a noite do martes… capaces son!

arume_samain

Arume colabora con Educo no plan bolsas comedor

Arume colaborou durante este ano coa ONG Educo e con varios centros educativos no plan bolsas comedor. Grazas a esta colaboración, outorgáronse 21 bolsas a nenos e nenas de 4 centros galegos.

Gracias a esta colaboración realizada a tres bandas, un total de 21 rapaces tiveron a oportunidade de xantar no comedor escolar durante todo o ano.

Educo é una ONG de cooperación global, que actúa a favor da infancia e loita polos seus dereitos e o seu benestar. A organización leva a cabo proxectos sociais nos que xa axudaron a máis de medio millón de nenos e nenas. Se queredes máis información sobre a súa labor, podedes visitar a súa páxina web.

Para nós é todo un orgullo formar parte desta iniciativa e poder aportar o noso gran de area na loita por unha sociedade máis xusta e equitativa, e poder asistir a todas as familias que se atopan en situacións desfavorables.

No Día Nacional do Celíaco, “todos comemos o mesmo”

O vindeiro sábado 27 de maio será o Día Nacional do Celíaco, e en Arume non perderemos a oportunidade de celebralo. Así, repartiremos entre todos os comensais dos colexios galegos nos que estamos presentes, uns menús moi especiais.

Un menú moi especial

Serán pratos adaptados, como os que cada día facemos para os nenos e nenas que sofren algún tipo de intolerancia ou alerxia alimenticia. En concreto, faremos un menú especial para celíacos, sen glute, que repartiremos entre todos os  nenos e nenas. De primeiro prato, serviremos unha ensalada tropical; de segundo, paella de verduras e ave e, de sobremesa, iogur.

Con esta iniciativa, chamada “Hoxe todos comemos o mesmo” queremos promover a seguridade alimentaria pola que traballamos cada día, ofrecendo menús específicos e adaptados a todas as necesidades e circunstancias. E, ademais, facer visible que unha intolerancia ao glute só diferenza aos nenos no tipo de comidas e en nada máis. Por iso, no día do Celíaco, seremos todos iguais. Comeremos todos o mesmo.

En definitiva, celebraremos o Día Nacional do Celíaco ofrecendo a todos os nenos e nenas menús adaptados. Trátase de demostrar que sen glute as comidas son igualmente ricas. E de concienciar sobre a importancia da seguridade alimentaria en casos de intolerancia e/ ou alerxia.

Feliz día do Celíaco a todos e todas!

Chega o final de “Unha doce historia”

Hoxe entregaranse os premios do primeiro concurso intercolexial “Unha doce historia”, promovido por Arume e FANPA, que tivo lugar durante o mes de marzo en 18 colexios de Pontevedra.

Os pequenos participantes, en grupos de dez, tiveron que cociñar e decorar galletas coa temática dun conto elixido por eles. Cada equipo tivo unha hora para poñer en marcha a súa creatividade, á vez que aprenderon valores coma o traballo en equipo e o respecto.

O acto terá lugar mañá mércores 10 de maio entre las 19:30 e as 20:30 horas, no salón de actos do Pazo da Cultura. Estarán presentes a concelleira de Educación de Pontevedra, Carmen Fouces, e o xerente de Arume, Carlos Varela.

Os asistentes –nais, pais, alumnos e profesionais de Arume– visualizarán unha curtametraxe sobre o transcurso da competición, antes do anuncio da escola gañadora.

¡Moita sorte a todos!

 

Receitas con Historia no CEIP Barrié de la Maza

Avós e netos degustarán xuntos unha comida moi especial no CEIP Barrié de la Maza, en Sada (A Coruña). O xoves 20 terá lugar esta xornada, como peche do concurso “Receitas con Historia”. Concurso que consistía na preparación dun prato típico da familia, cociñado en conxunto por avós e netos.

Os participantes, usuarios do servizo de comedor escolar, prepararon cos seus avós unha receita tradicional, que representase, dalgún xeito, a historia familiar. Así, todos os participantes, nenos e avós, degustarán o xoves 20 as receitas gañadoras no comedor do CEIP Barrié de la Maza. De primeiro, unhas clásicas e tradicionais lentellas e, de segundo, un innovador polo ao limón.

Con este concurso, promovido coa axuda da ANPA, preténdese unir anécdotas e relatos familiares con receitas de cociña que acompañan eses recordos. O obxectivo é facer aos maiores da familia partícipes das actividades educativas no momento do comedor. E, ademais, poñer en valor eses pratos tradicionais para que sexan transmitidos de xeración en xeración.

Estamos encantados de levar a cabo esta iniciativa e esperamos poder repetila en máis colexios proximamente!

Showcooking no CEIP Concepción Arenal

Hoxe queremos compartir con vos unha acción moi especial que realizamos o pasado mércores 7 de decembro. Coa axuda de dous chefs, realizamos un showcooking para os pequenos de cuarto de primaria do CEIP Concepción Arenal, na Coruña. En primeira persoa os alumnos e alumnas puideron gozar da preparación de sushi en vivo e en directo.

Este tipo de actividades son moi importantes para inculcar aos pequenos o amor pola cociña. A gastronomía tamén é cultura! E máis nunha terra como a nosa, onde temos tanto apego a compartir momentos ao redor dunha mesa cos nosos seres queridos. Por iso, queremos que os nenos desde ben pequeniños gocen coa cociña, non só cun prato ou menú. A través de actividades como este showcooking poñemos en valor a comida, mostrando o traballo que hai detrás. E non só traballo, se non o divertido que pode ser.

Para desenvolver esta acción contamos coa axuda de dous chefs de ARUME. No comedor do centro montaron unha barra completamente equipada coma se fose a cociña dun restaurante. E para sorprender aos pequenos elixiron o prato nipón por excelencia: sushi. Ademais, aos poucos, foron saíndo diferentes alumnos para participar como pinches. E tamén houbo espazo para aprender! Por exemplo, a coñecer de onde vén o aguacate ou que é a alga nori.

Tamén queremos compartir nesta noticia o noso Facebook. Todo o showcooking foi retransmitido en vivo a través de Facebook Live, algo que imos facer en próximas ocasións. Desta forma queremos achegar aos pais as actividades que os seus fillos realizan, de modo que non perdan detalle dende a casa ou o traballo.

E para finalizar, deixámosvos cunha galería de fotos do desenvolvemento do showcooking. Se recoñecedes a algún dos pequenos non dubidedes en deixarnos un comentario!

Galería de imaxes

 

No Samaín de ARUME “mouchos, curuxas, sapos e bruxas”

Cada 31 de outubro, moito antes de que existise o que hoxe coñecemos como Halloween, os celtas celebraban a súa particular festa de Ano Novo: o Samaín. Contaba a lenda que esa noite tan especial supuña o fin do verán e o inicio do inverno, abríndose unha porta por onde as almas dos falecidos volvían ao mundo dos vivos para visitar aos seus familiares. Co fin de conter aos mortos, os celtas iluminaban as rúas con velas fabricadas a partir de froitas e verduras. Co paso do tempo, esas velas rudimentarias acabaron converténdose nunha icona da noite dos mortos por todos coñecido: a famosa cabaza de Halloween.Menú Samaín

Pero non fai falta saltar o charco para gozar do 31 de outubro. Na tradición galega, esta festividade ten un sinal histórico: os nosos antepasados foron os seus orixinarios. Por todo o territorio galego pódense atopar continuas referencias a esta festa, que dunhas décadas para aquí viu caer a súa popularidade.

Pero como un signo máis da nosa historia, é o momento de reivindicalo! Por iso, dende ARUME queremos achegar esta festividade aos máis pequenos.

O vindeiro venres 28 de outubro os nenos levarán unha sorpresa á hora para comer: Samaín enfeitizou o menú do xantar!

Desde ARUME realizaremos un menú completamente tematizado para esta festa pero, como sempre, mantendo os valores nutricionais óptimos para o desenvolvemento de péquelos. Unha rica crema de cabaza abrirá o menú, que continuará cunha tortilla “embruxada” con ensalada como guarnición.

Por último, chega a sobremesa! Divertida froita terrorífica coa que os nenos o pasarán de infarto. O ano pasado fixemos un xogo con mandarinas para transformalas en cabazas de Samaín e as risas foron as protagonistas da xornada. Un día moi especial que estamos a desexar repetir.

Parécenos importante para un momento e falar da cabaza como parte dunha boa dieta. A cabaza é unha verdura doce (aproveitemos as chuches da natureza!) e contén un 90% de auga e moi poucas calorías e hidratos de carbono. En cambio, é moi rica en vitaminas, minerais e fibra. Ademais é antioxidante e depurativa. Para cociñala, o mellor é cocela en anacos para quitar de forma doada a pel. Despois podemos comela como guarnición ou facer unha crema ou puré. Recomendación: a crema con pipas, noces ou sementes como a chia (un superalimento a ter en conta) e aderezada cun chorro de aceite de oliva virxe, está deliciosa!