QUEDA PROHIBIDO

A cociñeira da casa onde servía Estrella gardaba celosamente a receita dos pratos que facía, non había forma de obter unha pistiña de ningún xeito… pero Estrella pensaba que aqueles ‘fritos de ovos’ non eran deste mundo. Despois de anos de indagacións… conseguiu a receita! E agora Xoel, o seu neto, e toda a familia adora eses fritos!

Esta é unha das historias que hai detrás de cada receita que os avós e as avoas dos nenxs que acoden ós comedores de Arume quixeron compartir con nós dunha forma tan especial ó longo deste curso.

Mª del Pilar ben sabe que cando a carne escaseaba na casa, ben bo estaba o ‘caldo de bolos de fariña de millo’ . Ana Mª quere lembrar o gusto tan propio que tiña o seu pai cando facía ‘paella’ xuntándose os domingos en familia. A Samuel encántalle relamber a culler e a pota dos restos de chocolate e crema que quedan despois de facer a ‘torta da avoa’ que fai Pilar. Concepción quedou conquistada polo ‘bacallau ó forno’ que comeu en Portugal e pediu a receita que cos anos foi variando ó seu xeito.

Gustounos moitísimo saber que os sábados e domingos aínda son días cheos de espírito familiar. ‘A torta de queixo’ de Azucena, ‘o coello ó salmorejo’ de Ángela, ‘o biscoito de fresas con nata’ de Alicia ou o ‘paté da tía Loli’ que  fai a avoa de Adrián xa que non pode faltar como entrante cando os netos van a súa casa.

Salvador, o xenro da bisavoa Carmen, non deixa de facer a ‘tortilla de Pascua’ que facía a súa sogra e que tanto lle gustaba, é unha forma de respirala cando se xuntan e manter esa lembranza viva.

 

Tantas e tantas cousas levámonos desta experiencia, destes avós e avoas xenerosos e ilusionados con pasar un día no comedor cos seus netos… Ata receitas internacioniais trouxeron! ‘Rahmchnitzel con rosti’, sabedes que é? Wilma coñeceu ó avó de Jorge en Suiza, ela é de Austria e mesturaron dous tradicións neste prato que non deixan de facer cando van a xantar os netos. A avoa de Dulce non esquece unha costume arxentina e uruguaia como é a de xantar ‘ñoquis’ o día vintenove de cada mes para ter sorte e que non falte o dineiriño. Lembrade xa que isto te a súa cousa: sete ñoquis masticando 7 veces e para os máis supersticiosos: mentres os comedes podedes poñer unhas moediñas baixo o prato.

Croquetas únicas… arroz con choupa covertido en fideua por expreso desexo de Nicolás cando tiña dous anos, callos que a nai de Élida cocinaba dunha forma moi especial, xurelos, filloas, garabanzos, ameixas…. Non remataríamos de contar historias.

 

En Arume adicámoslle un espazo a estas xornadas interxeneracionais porque encántanos compartir historias que agora forman parte da nosa, e ademais o momento da comida é estupendo para escoitar relatos que son parte do que somos.

Os avós e avoas teñen sempre un papel moi importante dentro da familia, non só por ser transmisores de costumes, historias, experiencias, sabiduría, bondade etc… senón tamén polo que representan na educación e crianza dos netos, en tempos nos que tanto o home como a muller están incorporados ó mundo laboral fora de casa. Que seríamos sen vós!!

“Receitas con historia” significou ese novo achegamento entre nenxs, avxs e persoas que acompañamos ós rapaces no momento do comedor, algo moi entrañable e fermoso, compartir un ratiño con todos vós.

Catro edicións entrañables que xa gardamos como recordo deste curso. Sempre seredes benvidos ós nosos comedores, así que a preparar moitas receitas para o curso que ven!

 

Este último concurso remata cunha participación histórica, e oxalá o ano que ven se volvan a encher os nosos comedores de historias… de receitas… de avós e avoas !!!

Para nós é moi especial que veñades a xantar cos netos e deixédes un cachiño da vosa historia en Arume.

E como dixo Neruda (en castelán):

“…

Queda prohibido non buscar a felicidade,

non vivir a túa vida cunha actitude positiva,

non pensar que podemos ser mellores,

non sentir que sen ti, este mundo non sería igual”

Grazas a tódolos avós e avoas do mundo !

 

 

 

 

Arume colabora con Educo no plan bolsas comedor

Arume colaborou durante este ano coa ONG Educo e con varios centros educativos no plan bolsas comedor. Grazas a esta colaboración, outorgáronse 21 bolsas a nenos e nenas de 4 centros galegos.

Gracias a esta colaboración realizada a tres bandas, un total de 21 rapaces tiveron a oportunidade de xantar no comedor escolar durante todo o ano.

Educo é una ONG de cooperación global, que actúa a favor da infancia e loita polos seus dereitos e o seu benestar. A organización leva a cabo proxectos sociais nos que xa axudaron a máis de medio millón de nenos e nenas. Se queredes máis información sobre a súa labor, podedes visitar a súa páxina web.

Para nós é todo un orgullo formar parte desta iniciativa e poder aportar o noso gran de area na loita por unha sociedade máis xusta e equitativa, e poder asistir a todas as familias que se atopan en situacións desfavorables.

No Día Nacional do Celíaco, “todos comemos o mesmo”

O vindeiro sábado 27 de maio será o Día Nacional do Celíaco, e en Arume non perderemos a oportunidade de celebralo. Así, repartiremos entre todos os comensais dos colexios galegos nos que estamos presentes, uns menús moi especiais.

Un menú moi especial

Serán pratos adaptados, como os que cada día facemos para os nenos e nenas que sofren algún tipo de intolerancia ou alerxia alimenticia. En concreto, faremos un menú especial para celíacos, sen glute, que repartiremos entre todos os  nenos e nenas. De primeiro prato, serviremos unha ensalada tropical; de segundo, paella de verduras e ave e, de sobremesa, iogur.

Con esta iniciativa, chamada “Hoxe todos comemos o mesmo” queremos promover a seguridade alimentaria pola que traballamos cada día, ofrecendo menús específicos e adaptados a todas as necesidades e circunstancias. E, ademais, facer visible que unha intolerancia ao glute só diferenza aos nenos no tipo de comidas e en nada máis. Por iso, no día do Celíaco, seremos todos iguais. Comeremos todos o mesmo.

En definitiva, celebraremos o Día Nacional do Celíaco ofrecendo a todos os nenos e nenas menús adaptados. Trátase de demostrar que sen glute as comidas son igualmente ricas. E de concienciar sobre a importancia da seguridade alimentaria en casos de intolerancia e/ ou alerxia.

Feliz día do Celíaco a todos e todas!

Chega o final de “Unha doce historia”

Hoxe entregaranse os premios do primeiro concurso intercolexial “Unha doce historia”, promovido por Arume e FANPA, que tivo lugar durante o mes de marzo en 18 colexios de Pontevedra.

Os pequenos participantes, en grupos de dez, tiveron que cociñar e decorar galletas coa temática dun conto elixido por eles. Cada equipo tivo unha hora para poñer en marcha a súa creatividade, á vez que aprenderon valores coma o traballo en equipo e o respecto.

O acto terá lugar mañá mércores 10 de maio entre las 19:30 e as 20:30 horas, no salón de actos do Pazo da Cultura. Estarán presentes a concelleira de Educación de Pontevedra, Carmen Fouces, e o xerente de Arume, Carlos Varela.

Os asistentes –nais, pais, alumnos e profesionais de Arume– visualizarán unha curtametraxe sobre o transcurso da competición, antes do anuncio da escola gañadora.

¡Moita sorte a todos!

 

Repartimos 4.500 libros entre alumnos e alumnas de toda Galicia!

Como todos e todas sabedes, o domingo foi o día do Libro. E en Arume non quixemos perder esta oportunidade para ter un detalle cos pequenos e pequenas que cada día nos regalar miles de risas e anécdotas. Así, a partir do xoves 27 repartiremos un total de 4.500 exemplares do libro “Noa e Max e o misterio das cenorias”. Estos libros van destinados aos alumnos e alumnas, usuarios do servizo de comedor escolar nos colexios nos que estamos presentes.

A alimentación saudable, clave para os máis pequenos

O conto “Noa e Max e o misterio das cenorias” fala da importancia de levar unha alimentación saudable en clave divertida e desenfadada. Esta historia conta as aventuras dos irmáns Noa e Max nunha fin de semana que pasan cos seus avós no pobo. Alí deben investigar o misterio da desaparición dunhas cenorias da horta dos seus avós. No camiño de atopalas, terán que enfrontarse a numerosas historias. E, tamén descubrirán moitos detalles sobre a orixe dos alimentos ata resolver o misterio da desaparición das cenorias.

Este libro pretende servir de ferramenta para transmitir boas prácticas en alimentación. Aprender a comer de maneira axeitada e adoptar hábitos saudables dende pequenos é unha maneira de prever enfermidades como a obesidade, o colesterol, ou problemas cardiovasculares. De aí a importancia de comezar a concienciar dende que son nenos.

Como sabedes, en Arume cremos na transmisión de valores como ferramenta para a educación. O momento do comedor é unha excepcional oportunidade para fomentar hábitos saudables. E, ademais, de educar en valores como o respecto, a educación e a convivencia. Todo isto, unido á lectura, é unha maneira inmellorable de chegar aos máis pequenos!

Este conto está publicado por Ediciones Ventall he escrito por Anna Manso, con ilustracións de Ana Ocina. Esperamos que vos guste moito a todos e a todas!

Receitas con Historia no CEIP Barrié de la Maza

Avós e netos degustarán xuntos unha comida moi especial no CEIP Barrié de la Maza, en Sada (A Coruña). O xoves 20 terá lugar esta xornada, como peche do concurso “Receitas con Historia”. Concurso que consistía na preparación dun prato típico da familia, cociñado en conxunto por avós e netos.

Os participantes, usuarios do servizo de comedor escolar, prepararon cos seus avós unha receita tradicional, que representase, dalgún xeito, a historia familiar. Así, todos os participantes, nenos e avós, degustarán o xoves 20 as receitas gañadoras no comedor do CEIP Barrié de la Maza. De primeiro, unhas clásicas e tradicionais lentellas e, de segundo, un innovador polo ao limón.

Con este concurso, promovido coa axuda da ANPA, preténdese unir anécdotas e relatos familiares con receitas de cociña que acompañan eses recordos. O obxectivo é facer aos maiores da familia partícipes das actividades educativas no momento do comedor. E, ademais, poñer en valor eses pratos tradicionais para que sexan transmitidos de xeración en xeración.

Estamos encantados de levar a cabo esta iniciativa e esperamos poder repetila en máis colexios proximamente!

Chega a xornada ecolóxica aos comedores escolares de Arume!

A próxima semana, os nosos menús serán diferentes. A comida ecolóxica será protagonista para darlle aos pequenos comensais pratos  saudables e moi ricos!

O luns 13 comezaremos con esta iniciativa en Vigo, repartindo os menús nos comedores escolares que xestionamos. E, o martes 14 a cociña ecolóxica chegará tamén aos colexios de A Coruña.

Máis dunha vintena de colexios gozarán dos nosos menús especiais! E, se vos estades preguntando qué pratos os compoñen, non vos faremos esperar máis.

De primeiro prato, os pequenos e pequenas degustarán unha riquísima crema de cabaza. De segundo, tacos de polo con pasta ecolóxica. E, para rematar, froita!

Esperamos que os comensais gocen do noso menú ecolóxico, e que nolo conten! E, por suposto, animámosvos a todos a consumir produtos frescos e de proximidade, como os de Arume!

Visibilizando a diabetes entre nenos

Como xa vos contamos con anterioridade, este luns 14 de novembro celebramos o día mundial da diabetes. “Azucre si pero con sentidiño” foi o nome que eliximos para esta acción en colaboración con Anedia. Tamén colaboramos con diferentes ANPAS locais ou provinciais, como FOANPAS.

Antes de nada, queremos agradecer a todas as ANPAS así como a ANEDIA a súa colaboración. O papel de ANEDIA nesta acción é clave. E non só na acción. Tamén no día a día da xestión dos comedores alí onde hai nenos con diabetes. O convenio que temos con eles é fundamental para poder ofrecer os mellores protocolos en coidado desta enfermidade.

O neno con diabetes é un neno máis, que sinxelamente debe prestar máis atención a canto come. É dicir, pode comer o mesmo que calquera outro neno pero prestando atención a canto gramaxe de comida toma. Anedia traballa para normalizar a situación dos pequenos, para evitar que se vexan diferentes a outros compañeiros. E precisamente, “Azucre si pero con sentidiño” buscaba visibilizar isto. Cunha báscula, unha monitora realizou fronte a todos os nenos, os controis diarios de peso polos que pasan os pratos para diabéticos.

A acción desenvolvémola en diferentes coles en Vigo, A Coruña, Santiago, Pontevedra e Ourense. Podes ver fotos máis información no noso Facebook. Ademais, moitos medios cubriron a acción. Estamos moi contentos xa que desta forma moita máis xente poderá sumarse a esta normalización. Deixámosvos unha relación de ligazóns para que visitedes os medios e vos decatedes un pouquiño mellor de como se xestionaron estas xornadas.

Radio Galega. A partir do minuto 37.10.

Onda Cero. A partir do minuto 31.55.

Cadea Ser Vigo. A partir do minuto 10.30.

Televisión de Galicia. Ligazón directa.

Ademais, deixámosvos cunha galería de fotos nalgúns dos coles nos que fixemos a xornada; CEIP San Pedro de Visma, Colexio Luís Vives e CEIP A Carballeira.