UN SAMAÍN SABOROSO

Outro Samaín !! Nós satisfeitos de festexalo convosco !!

Nos comedores de Arume, tanto os nenos como os monitores, deixaron voar a súa imaxinación para tal festa. Ides quedar de pedra porque o martes… despedimos o verán (si, non toleamos, seguide lendo).

E para elo, mirade a creatividade que ten o noso equipo. Parabéns a eses monitores que saben facer de todo!

 

A historia conta que as persoas que poboaron Galicia fai miles de anos, é dicir… os nosos antepasados celtas, o último día de outubro festexaban o cambio estacional.

Pero isto… que soa bonito e sinxelo non é tanto así. A noite do 31 de outubro ábrese unha porta entre dous mundos e os seres que habitan no aire poden camiñar entre nós.

arume_samain

Fadas…. trasgos… seres cunha maxia especial que definen o noso destino, que non pensan como os homes, pero coa súa inspiración e o seu poder son capaces de ser encantadores e ó minuto seguinte aterradores.
Esa noite… hai que pechar ben as portas e as xanelas !!

O pobo celta deixounos esta tradición que marcaba a transición do fin do verán á chegada do inverno. Os druídas, que eran a maior influencia de poder dos celtas, saían esa noite na busca de bagas de morcego para facer as súas apócemas e ungüentos e amañaban unha serie de ritos para venerar ós seus antepasados.

arume_samain

Recollían ramaxe para prender fogueiras para escorrentar ós malos espíritos, que logo empregaban para as lareiras o resto do ano. Todo cheo de fogueiras e cabazas.

Empregaban as cabazas para alumear os camiños, baleiras cunha mecha no interior. E dade grazas! Antigamente no lugar das cabazas había… caveiras dos inimigos mortos nas batallas !

arume_samaín

E antes dunha longa noite… hai que poñer todo o empeño polo día en adestrar a braveza! Para que os nenos repuxesen dabondo as enerxías gastadas nas clases, en Arume preparamos un menú dos que máis lles gusta ós rapaces: espaguetes con salsa de tomate, ensalada e churrasquiño. Non ía ser todo medo, a xantar ben para unha noite de medo e arrepío!

arume_samaín

Pero vede que toucados levaban algúns rapaces no colexio San Francisco Xavier de A Coruña!!

Admirade o gran tesouro da infancia…

Arume_samain

_DSC5242

_DSC5243

_DSC5255-Editar-2

_DSC5261

Os colexios de Vigo non quedaron atrás…

arume_samaín arume_samaín

Uuuuuhhhh non sei que opinades… pero non semella que teñan moito medo estes cativos… comprobade que non fixeran migas cun trasgo ou elfo a noite do martes… capaces son!

arume_samain

FUTUROS ARTESÁNS DO PAN

Ai meu Deus…!! O DÍA DO PAN!! ???

Si, si, se non o sabiades, fai máis de dez anos que se dedica un día do ano á historia do pan, ó seu futuro, a compartir xeitos de facer este alimento polos diferentes artesáns, con toda a variedade de materia prima que temos para facelo.

O luns 16 de outubro foi o DÍA MUNDIAL DO PAN, e nós… festexámolo!

Xa sabedes que somos moi defensores deste alimento, na anterior publicación contábamos que se está a recuperar o gran valor que ten, as familias consumen pan de novo con asiduidade, sendo isto unha noticia estupenda e saudable.

Unha volta á tradición que nos enche de ledicia !

E para festexalo os cativos do colexio Concepción Arenal recibiron unha visita especial !!

diadelpan_arume_carmenMb

Para conmemorar o día mundial do pan, o forno Sanbrandán enviou un mensaxeiro moi particular, que lle contou ós rapaces unha incrible historia do superheroe  Superbrandán que levantou a loita contra o maligno Lord Bollimort.

Os nenos estiveron moi atentos ás explicacións do mensaxeiro-panadeiro.

 

Contou que o superheroe viña dun lugar de moi lonxe, descendente dunha masa nai antiquísima, sen fermentos, feita da forma máis natural, cunha fariña fina saída dun muíño empuxado pola auga e unhas pinguiñas da mesma para facer a mestura. O seu aroma caracterízao desde sempre, e non hai rival ó seu sabor (Mmmmm…). Presume de ter unhas virtudes case únicas, de onde proveñen os súperpoderes, tamén lles dixo que cando naceu a masa nai da que descende, tiña unha chea de bacterias lactobacilos e fungos de fermentos (si… esa mesma cara de asombro puxeron eles). Ese conxunto favoreceu a aparición dun subproduto que enriquece dunha forma abraiante as súas propiedades. Aínda que o proceso de orixe foi máis lento que o do Lord Bollimort, fai que sexa un heroe de verdade da boa, un bo pan fai máis fortes ás defensas dos seus pequenos corpiños. Un produto saudable, nutritivo e moito máis dixestivo.

Que vos imos contar… Superbrandán no conto gañou!

Agardamos que triunfe cada día en moitas merendas dos rapaces. Alí xa querían todos un bocadillo, e iso que viñan de xantar! Mirade a festa que fixeron!

dia _del_pan_arume_carmenMb

No colexio San José de la Guía de Vigo ensináronlles como se fai o pan. Sen dúbida unha vivencia que non esquecerán. E… preparádevos nais, pais, avós e demais familia… algún cativo xa se veu no futuro como panadeiro. Se nos vindeiros días sospeitades que cheira no cuarto a mestura de fariña, igual é que están a practicar ás agachadas 😉

Se así fose, as pautas a seguir son:

  • Cando as sospeitas se fan realidade, sorrir.
  • Revisade que teña fariña dabondo, para que poida seguir cumprindo as prácticas sen enredos.
  • Senón… encher a saca.
  • Deixade que desenvolva a súa creatividade, certo é que o oficio é ben saboroso.
  • Cando vexades que saen bolos fermentados do seu caixón… nese intre negociar con eles, quizais vos deixen metelos no forno :)))

Se seguides os consellos, teredes na casa un neno feliz descubrindo unha nova arte, o que se chama un artesán en potencia da masa nai.
Velaquí a proba!

 

Ata a próxima familias !

Lembrade…

Onde se poña un bo bolo pan...

Un “pasteliño envolto en plástico” non ten nada que facer…

diadelpan_arume_carmenMb

 

 

 

A ALMA DO PAN GALEGO

O refrán “Contigo pan e cebola” dicíallo eu a un exipcio sin pensalo dúas veces…
Se escoitamos á historia, á civilización exipcia non só hai que atribuirlle a creación dos xeroglíficos e dun calendario, moi preciso por certo. Din que… tamén é cousa deles o decubrimento do pan!
A historia conta que un exipcio estaba a mesturar cereais e sementes que medraban nas beiras do Nilo e esqueceu nunha pota esta mestura, cando voltou atopouse a primeira bola de pan! Co paso do tempo os gregos melloraron a técnica, e os romanos, continuadores da cultura grega, melloraron os fornos, ata bautizaron un deles co seu nome.
Entón… podemos afirmar que un exipcio obtivo a primeira masa nai? Se facemos caso á lenda, pode que sí… pero de masas nai falaremos outro día e explicaremos moitas cousas; como adianto diremos que hai un país, non moi lonxe de nós… onde existe un centro que garda o pasado da alma do pan… como quedastes? ahí o deixamos…
O pan en Galicia ten nome propio, fixádevos… se falamos de pan de Cea, pan de Carral, o bolo de Porriño, o mollete de Santiago, pan de Ousá, pan de Carballo, a Broa celta… – poderíamos estar así ata mañán- sabedes de que estamos a falar, non si? Cada pobo en Galicia foi elaborando a sua receita según o cereal que se cultivaba arredor dos campos.
E se engadimos as costumes de amasado que tiñan en cada fogar, de horarios, de pizcas de agarimo… temos cualidades que fan un produto auténtico da terra. O pan era un alimento fundamental nas casas desde tempos ancestros, dicirlle aos nenos que pregunten aos avós sobre el! Os vosos fillos coñecen os hórreos galegos? Eles saben que alí secábase o millo e o trigo para facer pan? Saben para que serve un muíño? Deixade que descubran de onde sae a fariña, a ver que cousas surxen, ides pasalo ben…

pan_compra_arume

No último tercio do século pasado, a vida rural, chea de inspiración para conservar tradicións, abandóase pouco a pouco. Polos anos setenta o pan vai perdendo valor, e sumado ao falso mito de que engorda, foi inxustamente relegado da súa posición nas casas.
Unha mágoa… porque imaxino unha escea tan romántica con esa nai -que era a que facía o pan normalmente- amasando mentres os rapaces manchados de fariña exploraban a textura da masa, podo ver o seu sorriso coas caras manchadas de branco, todo un arte de espraiarse á vez que compartían como se fai un alimento saudable.

O outro día, de casualidade, escoitei unha historia chea dese romanticismo, vóuvola contar:

Unha desas avoas, que sempre fixeron masa nai na casa, vive nunha aldea ourensá chamada Cartelle. O seu nome é Corona, fermoso por certo. Cada domingo, despois da misa, segue a facer pan como facía a súa nai, revivindo unha escea que semella a de antes. As mans van cansadas, daquela os seus fillos regaláronlle unha máquina para que non teña que deixar de facelo. O resto do proceso faino como antes, ela di que calquer minuto de retraso pode arruinar o traballo.

pan_comedor_arume

Pero todo tempo pasado, é iso… pasado. E no presente estase a regresar ás raíces, a demanda de pan de pobo cada vez é maior e o artesán é tendencia!
Nos menús dos nenos non pode faltar un cachiño de pan, e ahí está o noso forno Sanbrandán. Arume pon toda a confianza nesta empresa galega de longa experiencia. Quixemos afondar un pouco na elaboración das masas e no proceso de produción así que fomos facerlles unha visita.

Borja e Lucía foron especialmente cercanos e sinceros, contándonos como evolucionou a sua actividade desde que fan pan para moitos fogares. Ipasa é o seu nome orixinal, e teñen unha experiencia moi enriquecedora de máis de 40 anos. Como lle sucedeu á avoa de Cartelle, mans para facer tanto pan non eran dabondo, daquela, nestes anos, a dedicación a innovar e incorporar novidades que axuden a obter o pan imitando o proceso tradicional, foi unha das prioridades, conseguindo así máquinas con deseños case a medida para obter a masa.
Confírmannos que atenden unha demanda cada vez maior de pan rústico, variedades de masa nai e de distintas fariñas. Que ben!
Quedamos xa con morriña por volver… e seguir falando de cousas saudables para os rapaces.

 

Seguiremos falando deste alimento o longo do mes de outubro… xa que o día mundial do pan está a caer, axudádesnos nas casas? Que vos parece por exemplo falar do millo, dos muíños, das tostas de pan de centeo, que os avós os fagan regresar ás raíces e que a espiga dun cereal se converta este mes no adorno da mesiña de noite dos cativos…

espiga_arume_carmenMb

Sede moi felices e que non falte o pan nas vosas vidas !

Chega setembro… saltemos nos charcos !

Xa estamos de volta ! Benvidos a un novo curso !
Encántanos setembro… que aínda sendo o noveno mes do ano, é o sétimo do calendario romano, de aí o seu nome. Un mes de comezos, de renovación, e o mes no que acontecen máis aniversarios ! Que casualidade, porque non só nos atopamos de novo con toda a xente que nos dá a súa confianza senón tamén porque… nacemos en setembro como marca !

É o mes da transición entre o verán e o outono, pero tamén se di que é o mes de saltar nos charcos e levarse ben cos veciños.

Pois si… Arume e tódalas persoas que forman este proxecto estamos de aniversario. Saltaremos nos charcos mentres sopramos unha vela, pediremos un desexo que se multiplicará por todos os que formamos este gran equipo e colaboramos nun proxecto iniciado con gran ilusión.
E xa que imos dar o salto de idade, lembremos un pouco que supuxo este ano para nós…

NamoradeiraContribuír á boa alimentación nos distintos colectivos: escolas, empresas, hospitais e centros da terceira idade foi o noso obxectivo esencial. Implantamos a compra de produto de tempada e proximidade para elaborar os nosos menús, aproveitando así todas as súas propiedades nutricionais e respectando o seu ciclo de crecemento. A nosa Galicia… se é que o produto de aquí… vai máis aló da cociña !
O intre de sentar na mesa para comer é un deses momentos importantes no crecemento de todos eses nenos que enchen as nosas escolas, e supón á vez compartir un momento de harmonía e socialización, ademáis de entender o acto de alimentarse como un sentimento que adquirimos mentres comemos. Nós participamos na súa educación dunha forma moi especial, creamos os seus recordos na mesa e colaboramos para que a conciliación da vida familiar sexa máis doada.
Familias ! Queremos restarvos tensión, esperamos conseguilo…

Gústanos lembrar cousas que nos fan reflexionar, balancear e aprender, para continuar mellorando e crecendo no noso compromiso. Nese recordo, un sorriso debúxase na cara de cada un de nós.

O mellor é contar quen son os responsables dese xesto de satisfacción persoal…

  • Casa Grande de Xanceda entrou na vida de Arume, con esa familiaridade e compromiso co produto de calidade e o benestar das persoas, visitaron escolas onde ensinaron unha forma de facer as cousas con respecto á natureza, ós animais, ó medio rural e ás persoas.
  • Coa incorporación de produtos ecolóxicos nos nosos menús, esperamos poder abrir un camiño cara a unha educación de respecto ó medioambiente e optimización dos recursos que temos na nosa contorna.

 

  • Ai… os nosos menús tematizados… desde logo os nenos son especialmente agradecidos con estas pequenas cousas. Con estes pratos divertidos tratamos de dar a coñecer produtos e tradicións da nosa terra mediante a elaboración dun menú especial en épocas de recordo, como son o Samaín, o Nadal ou o Entroido, sen perder nin un só valor nutricional.
    Vaia caras que se lles quedan coa sorpresa!

menustematizados

 

  • Integrar e normalizar as intolerancias e alerxias alimentarias é un tema no que poñemDía do Celíaco_Arumeos especial atención, gustaríanos facer desvanecer esas etiquetas pouco a pouco.
    Sempre que podemos colaboramos para dar visibilidade e promover hábitos saudables para a súa prevención, como foi por exemplo, a nosa participación no Día Internacional da Diabetes en novembro ou no Día Nacional do Celíaco en maio.

 

 

 

 

 

  • Temos un especial recordo da xornada que organizamos no Palexco de Coruña en marzo co título “Prevención de Trastornos Alimenticios na Mocidade”. Foi realmente enriquecedor o achegamento entre as Anpas, as familias, profesionais de ABAC (Asociación de Bulimia e Anorexia da Coruña), empresas de restauración, e os nosos provedores. Un punto de encontro entre as persoas que rodeamos ós nenos e creamos a súa realidade.
    Prometemos máis !!

 

  • O concurso das receitas dos avós forma parte dun dos proxectos que máis nos enchen a nivel emocional, repleto de historia, de anécdotas, de contos compartidos nun momento de cociña, facendo as cousas como ben din eles… con sentidiño.
    Queremos máis avós este curso… sabedoría e inspiración na cociña !

recetas con historia_Arume

  • A exhibición do showcooking para achegar ós cativos ó pracer de cociñar sempre é un éxito, cremos que as nosas escolas están cheas de grandes chefs en potencia. Miña naiciña… lembrarán os seus comezos en Arume creando receitas de agarimo e un chisco de sal !

showcooking_Arume

  • É unha ledicia para nós renovar o convenio de colaboración con Down Galicia en apoio á inclusión, independencia e á mellor calidade de vida cara a normalizar unha vida plena como adultos. Porque o bo de estar aquí é que mañá podemos facelo todo doutra maneira: “Incluír e construír”.

Down Galicia_Arume

E moito máis… non rematariamos de describir momentos e anécdotas que contribuíron ó que somos a este novo setembro, que nos chega para seguir con moita máis enerxía e actitude.

Familias ! Saltemos charcos xuntos !

Logo Arume

Chega a xornada ecolóxica aos comedores escolares de Arume!

A próxima semana, os nosos menús serán diferentes. A comida ecolóxica será protagonista para darlle aos pequenos comensais pratos  saudables e moi ricos!

O luns 13 comezaremos con esta iniciativa en Vigo, repartindo os menús nos comedores escolares que xestionamos. E, o martes 14 a cociña ecolóxica chegará tamén aos colexios de A Coruña.

Máis dunha vintena de colexios gozarán dos nosos menús especiais! E, se vos estades preguntando qué pratos os compoñen, non vos faremos esperar máis.

De primeiro prato, os pequenos e pequenas degustarán unha riquísima crema de cabaza. De segundo, tacos de polo con pasta ecolóxica. E, para rematar, froita!

Esperamos que os comensais gocen do noso menú ecolóxico, e que nolo conten! E, por suposto, animámosvos a todos a consumir produtos frescos e de proximidade, como os de Arume!

Sorteo de dúas invitacións para o Fórum Gastronómico de A Coruña

Queres asistir ao gran evento gastronómico de A Coruña? En Arume sorteamos dúas invitacións para o Fórum Gastronómico de A Coruña, que contará coa presenza de importantes figuras. Pepe Solla (Solla), Javier Olleros (Culler de Pau), Luis Veira (Árbore da Veira) ou Iván Domínguez (Alborada), son algúns dos exemplos.

Durante os días 12, 13 e 14 de marzo terán lugar gran cantidade de charlas, espectáculos, degustacións… Se non queres perder a oportunidade de formar parte de todas estas actividades, participa no noso sorteo!

Sorteo das invitacións para o Fórum Gastronómico

É moi sinxelo, só tes que comentar na publicación de Facebook contándonos con quen che gustaría asistir a este acto gastronómico, e etiquetar a esa persoa. Non lembres seguir a nosa páxina para estar ao día de todas as novidades!

Tedes ata o 10 de marzo para participar. Ese mesmo día, diremos os nomes dos gañadores.

Moita sorte a todos e a todas!