Arume colabora con Educo no plan bolsas comedor
Read more zoom

Arume colabora con Educo no plan bolsas comedor

Arume colaborou durante este ano coa ONG Educo e con varios centros educativos no plan bolsas comedor. Grazas a esta colaboración, outorgáronse 21 bolsas a nenos e nenas de 4 centros galegos.

Gracias a esta colaboración realizada a tres bandas, un total de 21 rapaces tiveron a oportunidade de xantar no comedor escolar durante todo o ano.

Educo é una ONG de cooperación global, que actúa a favor da infancia e loita polos seus dereitos e o seu benestar. A organización leva a cabo proxectos sociais nos que xa axudaron a máis de medio millón de nenos e nenas. Se queredes máis información sobre a súa labor, podedes visitar a súa páxina web.

Para nós é todo un orgullo formar parte desta iniciativa e poder aportar o noso gran de area na loita por unha sociedade máis xusta e equitativa, e poder asistir a todas as familias que se atopan en situacións desfavorables.

22 Xuño, 2017
Día do Celíaco_Arume
Read more zoom

No Día Nacional do Celíaco, “todos comemos o mesmo”

O vindeiro sábado 27 de maio será o Día Nacional do Celíaco, e en Arume non perderemos a oportunidade de celebralo. Así, repartiremos entre todos os comensais dos colexios galegos nos que estamos presentes, uns menús moi especiais.

Un menú moi especial

Serán pratos adaptados, como os que cada día facemos para os nenos e nenas que sofren algún tipo de intolerancia ou alerxia alimenticia. En concreto, faremos un menú especial para celíacos, sen glute, que repartiremos entre todos os  nenos e nenas. De primeiro prato, serviremos unha ensalada tropical; de segundo, paella de verduras e ave e, de sobremesa, iogur.

Con esta iniciativa, chamada “Hoxe todos comemos o mesmo” queremos promover a seguridade alimentaria pola que traballamos cada día, ofrecendo menús específicos e adaptados a todas as necesidades e circunstancias. E, ademais, facer visible que unha intolerancia ao glute só diferenza aos nenos no tipo de comidas e en nada máis. Por iso, no día do Celíaco, seremos todos iguais. Comeremos todos o mesmo.

En definitiva, celebraremos o Día Nacional do Celíaco ofrecendo a todos os nenos e nenas menús adaptados. Trátase de demostrar que sen glute as comidas son igualmente ricas. E de concienciar sobre a importancia da seguridade alimentaria en casos de intolerancia e/ ou alerxia.

Feliz día do Celíaco a todos e todas!

25 Maio, 2017
recetas con historia_Arume
Read more zoom

O Colexio Maristas acolle o peche de “Receitas con historia”

O comedor escolar do Colexio Maristas de Vigo foi o escenario dun xantar moi especial. Trátase do remate do concurso “Receitas con historia”, un encontro interxeracional onde netos e avós degustaron as receitas gañadoras. A competición, promovida por Arume, consistiu na creación entre pequenos e maiores de receitas tradicionais da familia. Esta acción permitiu unir anécdotas e relatos coas receitas de cociña que os acompañan, á vez que se estreitan os lazos entre ambas xeracións.

De todas as receitas do concurso, escolléronse as gañadoras, e invitamos a comer a todos os avós e avoas participantes. Así, o menú estivo composto por sopa da avoa de primeiro, polo ao chocolate con patacas á importancia de segundo e mousse de limón de sobremesa. Tratábase de poñer en valor e transmitir de xeración en xeración estas receitas tradicionais. E, ademais, de facer aos maiores ti partícipes das actividades educativas no comedor escolar.

En Arume estamos encantados de promover iniciativas como esta, que sempre sacan sorrisos e serven para compartir momentos únicos. En Vigo, ademais, recibimos cerca de 60 receitas para o concurso, polo que a decisión foi moi complicada.

Esperamos que os comensais gozaran deste xantar tan especial. E tamén poder repetir esta iniciativa en moitos outros colexios!

 

 

12 Maio, 2017
Repartimos 4.500 libros entre alumnos e alumnas de toda Galicia!
Read more zoom

Repartimos 4.500 libros entre alumnos e alumnas de toda Galicia!

Como todos e todas sabedes, o domingo foi o día do Libro. E en Arume non quixemos perder esta oportunidade para ter un detalle cos pequenos e pequenas que cada día nos regalar miles de risas e anécdotas. Así, a partir do xoves 27 repartiremos un total de 4.500 exemplares do libro “Noa e Max e o misterio das cenorias”. Estos libros van destinados aos alumnos e alumnas, usuarios do servizo de comedor escolar nos colexios nos que estamos presentes.

A alimentación saudable, clave para os máis pequenos

O conto “Noa e Max e o misterio das cenorias” fala da importancia de levar unha alimentación saudable en clave divertida e desenfadada. Esta historia conta as aventuras dos irmáns Noa e Max nunha fin de semana que pasan cos seus avós no pobo. Alí deben investigar o misterio da desaparición dunhas cenorias da horta dos seus avós. No camiño de atopalas, terán que enfrontarse a numerosas historias. E, tamén descubrirán moitos detalles sobre a orixe dos alimentos ata resolver o misterio da desaparición das cenorias.

Este libro pretende servir de ferramenta para transmitir boas prácticas en alimentación. Aprender a comer de maneira axeitada e adoptar hábitos saudables dende pequenos é unha maneira de prever enfermidades como a obesidade, o colesterol, ou problemas cardiovasculares. De aí a importancia de comezar a concienciar dende que son nenos.

Como sabedes, en Arume cremos na transmisión de valores como ferramenta para a educación. O momento do comedor é unha excepcional oportunidade para fomentar hábitos saudables. E, ademais, de educar en valores como o respecto, a educación e a convivencia. Todo isto, unido á lectura, é unha maneira inmellorable de chegar aos máis pequenos!

Este conto está publicado por Ediciones Ventall he escrito por Anna Manso, con ilustracións de Ana Ocina. Esperamos que vos guste moito a todos e a todas!

26 Abril, 2017
Receitas con Historia no CEIP Barrié de la Maza
Read more zoom

Receitas con Historia no CEIP Barrié de la Maza

Avós e netos degustarán xuntos unha comida moi especial no CEIP Barrié de la Maza, en Sada (A Coruña). O xoves 20 terá lugar esta xornada, como peche do concurso “Receitas con Historia”. Concurso que consistía na preparación dun prato típico da familia, cociñado en conxunto por avós e netos.

Os participantes, usuarios do servizo de comedor escolar, prepararon cos seus avós unha receita tradicional, que representase, dalgún xeito, a historia familiar. Así, todos os participantes, nenos e avós, degustarán o xoves 20 as receitas gañadoras no comedor do CEIP Barrié de la Maza. De primeiro, unhas clásicas e tradicionais lentellas e, de segundo, un innovador polo ao limón.

Con este concurso, promovido coa axuda da ANPA, preténdese unir anécdotas e relatos familiares con receitas de cociña que acompañan eses recordos. O obxectivo é facer aos maiores da familia partícipes das actividades educativas no momento do comedor. E, ademais, poñer en valor eses pratos tradicionais para que sexan transmitidos de xeración en xeración.

Estamos encantados de levar a cabo esta iniciativa e esperamos poder repetila en máis colexios proximamente!

18 Abril, 2017
showcooking_Arume
Read more zoom

Os pequenos e pequenas do CEIP Novo Arteixo exerceron de chefs e prepararon unhas riquísimas pizzas

O pasado martes 4 de abril celebramos no CEIP Novo Arteixo unha actividade moi especial. Os nosos cociñeiros ensináronlle aos máis pequenos cómo se prepara unha das súas receitas favoritas nun show cooking moi especial. Os nenos e nenas vestíronse de chefs e cociñaron unhas riquísimas pizzas, que despois levaron para cear nas súas casas.

Divididos en mesas por idades, cada neno contaba cos ingredientes necesarios para a súa elaboración: fariña e aceite para a masa, queixo, tomate, champiñóns, xamón e bacon. Así, cada rapaz preparou unha pizza ao seu gusto, coa axuda dos cociñeiros de Arume. Primeiro, comezaron ensinándolles cómo preparar a base da pizza, e despois estiveron amasando. Posteriormente tiveron que engadir todos os ingredientes e, para rematar, leváronse todas as pizzas ao forno, cun número para identificar a de cada neno.

Fomentar o amor pola cociña

Este primeiro Show Cooking que celebramos no CEIP Novo Arteixo estivo cheo de anécdotas, risas e diversión. Dende Arume, tratamos de que os pequenos e pequenas se acheguen ao mundo da cociña dun xeito diferente e orixinal, que resulte atractivo para eles. Así, vestímolos de chefs e ensinámoslles a preparar unha das súas comidas favoritas.

Iniciativas como esta son moi importantes poñer en valor o traballo e a labor que hai detrás de cada prato. Ademais, son claves para que os nenos e nenas tomen conciencia de que comer san e rico é posible con pratos tan atractivos como a pizza.

Esperamos poder repetir experiencias como esta nas que, ademais, descubrimos que hai moitos nenos que teñen un futuro prometedor como cociñeiros 🙂

Algúns medios como La Opinión de A Coruña, La Voz de Galicia e El Ideal Gallego fixéronse eco do show cooking e publicaron a noticia.

Presentación1

Deixámosvos cunhas fotiños dos pequenos chefs preparando as súas creacións no CEIP Novo Arteixo.

5 Abril, 2017
Celebramos unha xornada sobre Prevención de Trastornos Alimenticios na Mocidade
Read more zoom

Celebramos unha xornada sobre Prevención de Trastornos Alimenticios na Mocidade

Este venres ás 18:00h en A Coruña terá lugar unha xornada moi especial. Desde Arume quixemos organizar, tanto para nenos, como para pais e nais, unha xornada divulgativa sobre Prevención e detección de Trastornos Alimenticios na mocidade. O acto celebrarase no Palexco, o Palacio de Exposición e Congresos de A Coruña.

Neste encontro, queremos reflexionar acerca de como unha alimentación saudable é clave para previr trastornos alimenticios nos máis pequenos/as. Da man dos profesionais de ABAC, a Asociación de Bulimia e Anorexia da Coruña, impartirase unha charla na que se intercambiarán impresións e coñecementos sobre o tema.

Así mesmo, contamos coa participación dalgúns dos provedores de ARUME que, en clave saudable, poderán informar a todos os asistentes das vantaxes de seguir unha dieta equilibrada. Provedores que destacan pola súa proximidade, froito dunha aposta de ARUME por traballar con empresas da zona co fin de apoiar o desenvolvemento económico galego.

Algúns dos que estarán presentes serán Carnicerías Cholo, A Casa Grande de Xanceda, a panadería Sanbrandán, Bravomar, Coren ou Legufrut. Ademais, haberá degustacións dos seus produtos para amenizar a xornada e para que poidades probar de primeira man a alimentación coa que coidamos aos vosos pequenos/as.

Tamén para os máis pequenos

Mentres tanto, para os reis da casa habilitaremos unha sala de xogos onde, acompañados por monitoras especializadas, poidan pasar unha tarde onde as risas sexan a protagonistas.

E, ademais, entre todos os asistentes, sortearemos unha comida para toda a familia no Bido, o novo restaurante do cociñeiro Xoan Crujeiras.

Se queres pasar unha tarde de venres entretida e divulgativa, ven a pasala con nós! Ademais, podes traer aos teus pequenos, que tamén pasarán poderán gozar desta xornada acompañados de outros nenos e unha monitora.

Se estás interesado en acudir á xornada, ponte en contacto con nós a través da seguinte dirección de correo electrónico info@arumeservicios.gal

Agardámosvos!

15 Marzo, 2017
Chega a xornada ecolóxica aos comedores escolares de Arume!
Read more zoom

Chega a xornada ecolóxica aos comedores escolares de Arume!

A próxima semana, os nosos menús serán diferentes. A comida ecolóxica será protagonista para darlle aos pequenos comensais pratos  saudables e moi ricos!

O luns 13 comezaremos con esta iniciativa en Vigo, repartindo os menús nos comedores escolares que xestionamos. E, o martes 14 a cociña ecolóxica chegará tamén aos colexios de A Coruña.

Máis dunha vintena de colexios gozarán dos nosos menús especiais! E, se vos estades preguntando qué pratos os compoñen, non vos faremos esperar máis.

De primeiro prato, os pequenos e pequenas degustarán unha riquísima crema de cabaza. De segundo, tacos de polo con pasta ecolóxica. E, para rematar, froita!

Esperamos que os comensais gocen do noso menú ecolóxico, e que nolo conten! E, por suposto, animámosvos a todos a consumir produtos frescos e de proximidade, como os de Arume!

8 Marzo, 2017